Kabia Elkartea

Blog

Koadrillen Eguna 17 Haize- Orratz Gaztelekua

Urriaren 22an Koadrillen Eguna ospatu genuen Zarautzen. Udaleko Gazteri Sailak urtero aurrera eramaten duen egun osoko ekintza.

Gaztelekuak, bai egun horretan bai urtean zehar nerabeak komunitatean parte-hartzera bultzatzea du helburu nagusienetako bat. Aurten ere, egun horretan nerabeak disfrutatzeko aukera izatea erraztu genuen eta horretarako Koadrillen gymkana eta Gaztelekuan parte hartzen duten Djekin saio bat antolatu genuen.

Gymkanan 19 nerabe talde desberdinek hartu zuten parte eta beraien esanetan herrian zehar frogatxoak egiten izugarri ondo pasa zuten. Pare bat orduz gaztetxo taldeek asko disfrutatu zuten kalez kale proba dibertigarriak gainditzen.

Ekitaldiaren amaiera gisa nerabe Dj-ek plaza osoa dantzan jarri zuten. Nerabe koadrilla bluxa desberdinen koloreak alde batera eta bestera ikusten ziren, oso giro positiboa eta alaian.

Gaztelekuko hezitzaileek oso sensatsio onarekin bukatu genuen eguna. Nerabeekin batera herri erdian oso arratsalde dibertigarria pasa genuen, eta bide batez nerabeen alde positiboak ikusgai izan ziren komunitatearentzako.

Hurrengo urteko Koadrillen egunaren zain….

24 November, 2017
Udagazte17 Haize-orratz gaztelekuan

Maiatzean 203 nerabek erantzundako galdeketan oinarrituriko programa osatu genuen, Udagazte17, eta esperientzia anitzak eta ederrak bizi genituen aurtengo udan ere.
Betiko moduan, ekintza gustukoenak egun pasak izan dira, 81 nerabek parte hartu dutelarik.

Uda hontan azpimarratzekoa da zarauztar dj nerabeak proposatu eta Haize-orratz gaztelekuko hezitzaile taldearen laguntzarekin aurrera eramandako Karramarro Fest ekitaldia malekoian. Erantzun oso ona izan zuen, 250 nerabetik gora gerturatu ziren festara, eta herriko jaietan honelako ekintzak nahi dituztela esaten ziguten, , euren erara gozatzeko espazio eta denborak.
Milesker zarauztar familiei gugan jarritako konfidantzagatik eta zorionak zarauztar nerabeei, segi horrela!

Haize-orratz gaztelekuko hezitzaileak

24 August, 2017
Nerabeak San Pelaiotan 2017

2017ko San Pelaio jaietan, zarautzen, nerabeei leku berezia eskaini zaie programazioan eta gogoz hartu dute eskainitakoa.
Ilusioa, parte hartzeko gogoa eta esker ona ikusi dugu nerabeengan jai hauek eurekin bizi ditugunok. Honelako esperientziek ematen digute indarra nerabeentzat eta nerabeekin lan egiten jarraitzeko.
Zorionak zarauztar nerabeak! Hemen gaituzue bidelagun izaten jarraitzeko prest!
Zarauzko Haize-orratz gaztelekuko hezitzaile taldea.

Bideoa ikusteko sakatu hemen: San Pelaio nerabeak 2017

12 July, 2017
Haize-orratz festa 2017

Aurten udaberrian egin dugu Haize-orratz festa eguraldi onaren esperoan eta merezi izan du. Apirilak 8an ospatu genuen Munoako karpan. Jaiaren funtsa gazteleku proiektua ikusgarri egitea zen eta honetan lagundu ziguten 21 nerabe eragilek, haiek gabe ez litzateke posible izango.

Hitz gehiagorik gabe, irudietan ikus genezake bizitakoa:

25 April, 2017
Inauteriak 2017 Zarautz

Aurten Zarauzko inauterietan berrikuntza moduan, egunari hasiera aproposa emateko txupinazoa eta nerabeentzako zirko tailerrak (Zirkolore) izan genituen. Gainera Lehen txupinazo honetan Haize orratz gaztelekuko hezitzaileak izan gara galtzagorriekin batera, egun koloretsuari hasiera eman diogunak.

Arratsaldean, Zarauzko Haize-orratz udal gaztelekuan inauteri festa antolatu genuen. Arratsaldeko 18:00etatik 21:00ak bitartean DJ gazteek (DJ Reduus, DJ Inperial, DJ Davila eta DJ Jokinrezz) animaturiko mozorro festa egin genuen. Hauez gain beste nerabe batzuk lan ezberdinak egin zituzten festa aurrera eraman ahal izateko (aurkezleak, animazioan, prestaketa lanean…)

Mozorro lehiaketan “Dinamikoa” kategorian hiru taldek parte hartu zuten eszenatokian euren performance-a eginaz , “Taldekoan” 14 taldek eta “Gustukoenan” 12 taldek. Irabazleak “kamehameha”, “Los increibles”, “Rainbow Rain” izan ziren aurretik aipaturiko ordenean. Aurten mozorro originalena Haize orratz Gaztelekuko hezitzaileok erabaki genuen, irabazleak “Novia cadaver” hirukotea izan zirelarik.

Gauean diskofesta izan genuen Zinema pilotalekuan Oihan Vegaren eskutik. Arratsaldekoa bezala oso arrakastatsua izan zen, herriko nerabeek kolorez eta algaraz beteriko giroa sortu zuten eta hauez gain eskualdeko gazte asko hurbildu zen.

Orokorrean, parte hartzea handia izan zen, frontoira 500 nerabetik gora gerturatu ziren , bai arratsaldean baita gauean ere, eta goizeko zirku tailerrean ere 30 nerabe inguruk parte hartu zuten. Gaztelekuko hezitzaile lantaldeak oso balorazio positiboa egin dugu, nerabeek jai giroan murgiltzeko arazorik ez dutela argi erakutsi baitute. Zarauzko nerabeek, festetan beraien espazioa izatea ikaragarri eskertzen dutela argi dago.

10 March, 2017
Gazte Gabonak 16-17 Haize-orratz gaztelekuan

Bukatu berri dugu aurtengo gabonetako programa berezia, eskertu nahi genuke zarauztar familiek gugan jarritako konfidantza, eskaini genituen leku guztiak bete dira proposaturiko irteeretan: 97 Bilboko PIN-erako, 14 urtetik gorako 45 paintball-erako eta 26 Askizura lo egitera joateko. 121 nerabe izan ditugu gurekin esperientzia berriak bizitzen.

Aurtengoan irteerez gain herrian bertan programazio berezia eskaini nahi izan dugu urte zaharretan kutriloia eta errege ondoren Gabonetako Nerabe Gunea antolatuz. Hauek ere erantzun ona izan dute nerabeen aldetik, 100 nerabe inguru bietan, eta honek geure lan ildoan jarraitzeko indarrak berritzen dizkigu.

Ederrak izan dira bizi izan ditugun esperientziak eta gehiagorako prest gaude. Ihauteriei begira jarri gara iada eta iritzi jasoketa bat prestatzen gabiltza hobetzeko proposamen bila, zatozte eta proposatu!

13 January, 2017
Udagazte programan egindako egonaldiaren kronika nerabea

Gazte gabonetako izen emateak bukatzen ari garen honetan, egingo dugun gau bateko egonaldiak udan egindakoaren nostalgia piztu digu eta nerabeek bertan eginiko lana eta bizitako esperientzia idaztea erabaki dute jasota gera dadin. Hemen duzue eurak egindako kontakizuna:

“Uztaila haseran hasi ginen, gure udarako 3 egun onenak pasatzeko gau bela bat prestatzen,

bertan hasi zen gure esperientzia.

Gaztelekuko hezitzaileek, aukera polita eskaini ziguten, “beldur gaua” prestatzea pixkanaka-pixkanaka astean behin geratuz joan ginen guztia txukun-txukun egiteko asmoz.

Antolaketa horretan istorioa, jantziak,pertsonaiak, dekoratua eta beste hainbat elementu hartu genituen kontuan, guztia ondo ateratzeko.

Gaztetxoei hauxe bera kontatu genien, eta egia esan hori entzuteaz bakarrik jada beldurturik zeuden:

“Duela 30 urte, Gesala baiarako hainbat herri txikitan, gertakari arraroak gertatu ziren, gaur egun kondaira bihurtu direnak.

Garai horretan, Muzki aterpetxean gertatutakoa, notizia famatu bilakatu zen eskualde guztian. Oraindik ere zer gertatu zenaren azalpena aztertzen dabiltza….

Ohar bat besterik ez zuten topatu gertakariaren lekuan, hau zihoen:

“… 1986 Uztailaren 27a da gaur, gaueko 9ak dira, eta ez nago bate eroso. Taldean etorri gara Muzkiko aterpetxera, bigarren gaua da gaurkoa, baina beldurtuta nago, atzo soinu arraroak entzun nituen beheko solairuan, baina nire lagunek nitaz paso egin zuten. Gaur gure begiraleak arraro samar dabiltza……

…. Gaueko 22:00ak dira, sotoan ezkutatu naiz nire lagunarekin, gainontzekoei zerbait gertatzen zaie baina ez dakit zer duten. Hezitzaileak ez ditutu inundik topatzen

…. Gaueko 22:06 Labe gelan argi pila bat dago, zerbait dago barruan

…..Gaueko 22:07 Miren, nire lagunik hoberrenak aurpegia oso zuria dauka eta gauza arraroak esaten ari da.

… Gaueko 22:10 Aterpetxeko argi guztiak itzali dira”

Kondairak dio, aterpetxean zeuden gazteek sorginkeria bat jaso zutela, gaueko 10etan beraien gorputzen espirituak ateratzen dira norbaitek sorginkeria kentzeko asmoz soinean dituzten amuletoak jaso eta kutxa batean gorde behar omen dira, baina gaur egun arte inor ez da ausartu guztiak biltzera….”

Oso sentsazio onarekin bukatu genuen gaua,oso pozik, berriz egiteko moduan, benetan esperientzia ona izan zen, egia da gauza batzuk beti egoten direla hobetzeko, baina, eginez ikasten da eta prest gaude hurrengo urtean ere beste zerbait antolatzeko.”

AUPA MUZKI!

16 December, 2016
Euskaraz Bizi Nahi Dut jaia 2016 Haize-orratz gaztelekuan

Abenduak 3an Zarauzko Haize-orratz udal gaztelekuan Euskaraz Bizi Nahi Dut jaia egin genuen; baina aurreko astean hasi ginen prestaketan.

Larunbat arratsaldean zehar euskararen ginkana martxan izan genuen 5 sari lortzeko. 80 nerabek parte hartu zuten lau frogako ginkanan eta gustora hartu zituzten sariak.

Ginkanaz gain bazeuden parte hartze libreko guneak: irakurketa txokoa, mahai jolasen txokoa, sukaldaritza gofreak egiteko eta musika arratsalde osoan zehar. 150 nerabe inguru gerturatu ziren gurera eta oso gustora gaude izandako parte-hartzearekin.

Lanerako gogoak berrindartzen dizkigu zuen erantzunak!

9 December, 2016
Nerabeen gunea Koadrila egunean Zarautzen

Azken urteetan herriko jaietan nerabeentzako denbora eta guneak sortzeko lanean ibili gara haize-orratz gaztelekutik. Koadrila egunean herrian programatutakoan parte hartuaz hasi ginen eta aurtengoan lehen aldiz nerabeen olinpiadak antolatu ditugu goizez; bost talde, 34 gazte, egon ziren lehian giro ederrean.

Arratsaldez berriz, arrakasta handia izan zuten nerabeen guneko lau puzgarriek eta eguneko momentu gorena gure dj gazteekin etorri zen; Dj Javi lehenik eta Dj Davila jarraian. 19:30etatik 22:30etara bitartean lege zaharren enparantza gainezka egon zen jai giro bizian.

Mila esker zarauztar nerabeei beste behin jaietan parte-hartzeko eta gozatzeko erakutsitako griñagatik! Datorren urtean gehiago.

18 October, 2016
San Pelaio 2016

Aurtengoan lehen aldiz herriko programa ofizialean barneratu da Nerabeen eguna eta udalarekin elkarlanean antolatu genuen Nerabeen Gunea ekainak 27an San Pelaion.

Udalaren laguntzaz bertan egon ziren Quad-ak eta rokodromoa tirolinarekin 11 urtetik gorakoak ibiltzkeo. Haize-orratz udal gaztelekutik hainbat parte-hartze gune antolatu genituen ; tailer gunea, sukaldaritza gunea, jolas erraldoia eta badmington txapelketa.

Parte-hartze bakoitzarengatik gazteek tikeak jasotzen zituzten eta arratsalde amaieran udaz gozatzeko hainbat opari zozketatu genituen (Turismo bulegoak prestaturiko opariak, badmington kit-a, kometa bat, erraketak pilotarekin, snorkell egiteko betaurrekoak eta Skinboard bat), apar festa martxan zegoen bitartean.

DJ Javi-k animatu zuen arratsalde osoa denetariko musikarekin eta 250 gazte inguru gerturatu ziren festara.

Eguna borobiltzeko gaueko 22:30etatik 1:30etara musika plazan Oihan Vega egon zen eta giro ederra sortu zen nerabeen artean.

Guraso zein gazteek euren eskertza luzatu dute nerabeentzako jaia prestatu izanagatik eta horrek indarrak ematen dizkigu nerabeak herriko jaietan barneratzeko egiten ari garen lanean jarraitzeko.

15 July, 2016

Uso de cookies

Cookien erabilera